راولپنڈی (نمائندہ خصوصی)شمالی وزیرستان میں سیکیورٹی فورسز نے دہشت گردوں کی موجودگی کی خفیہ اطلاعات پر آپریشن کیا، اس دوران فائرنگ کے تبادلے میں 6 دہشتگرد ہلاک ہوگئے۔ پاک فوج کے شعبہ تعلقات عامہ آئی ایس پی آر کے مطابق 
آپریشن کے دوران سیکیورٹی فورسز اور دہشت گردوں کے درمیان فائرنگ کا تبادلہ ہوا۔ ہلاک دہشت گردوں سے اسلحہ، گولہ بارود اور دھماکا خیز مواد برآمد ہوا ہے۔آئی ایس پی آر کے مطابق دہشتگردوں سے مقابلے میں ایک سپاہی زخمی ہوا۔آئی ایس پی آر کا کہنا ہے کہ مارے گئے دہشتگرد ٹارگٹ کلنگ، بھتہ خوری، معصوم شہریوں کے اغوا سمیت دہشت گردی کی کارروائیوں میں ملوث تھے۔آئی ایس پی آر کے مطابق علاقہ مکینوں نے سیکیورٹی فورسز کے آپریشن کو سراہا اور دہشت گردی کے خاتمے کےلیے بھرپور تعاون کا اظہار کیا۔
شمالی وزیرستان: سیکیورٹی فورسز کا آپریشن، 6 دہشتگرد جہنم واصل ہو گئے
