راولپنڈی (نمائندہ خصوصی) صوبہ خیبر پختونخواہ میں سیکیورٹی فورسز نے دو الگ الگ آپریشنز میں 9 دہشت گردوں کو ہلاک کر دیا ہے۔
سیکیورٹی فورسز کی جانب سے ضلع ٹانک میں انٹیلی جنس پر مبنی آپریشن میں دو دہشت گرد؛ HVT دہشت گرد رحمت اللہ بدر منصور اور ٹی ایس امجد بابری مارے گئے۔ضلع جنوبی وزیرستان میں کی گئی ایک اور کارروائی میں شدید فائرنگ کے تبادلے کے بعد سات دہشت گرد مارے گئے۔زرائع کے مطابق
مارے گئے دہشت گردوں سے اسلحہ، گولہ بارود اور دھماکہ خیز مواد بھی برآمد ہوا، جو علاقے میں سیکورٹی فورسز کے خلاف دہشت گردی کی متعدد کارروائیوں کے ساتھ ساتھ بھتہ خوری اور معصوم شہریوں کی ٹارگٹ کلنگ میں بھی سرگرم رہے۔ تاہم آپریشن کے دوران سرزمین کے ایک بہادر فرزند سپاہی شاہ زیب اسلم (عمر 29 سال؛ ساکن ضلع ہری پور) نے بہادری سے لڑتے ہوئے شہادت کو گلے لگا لیا۔پاکستان کی سیکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں اور ہمارے بہادر جوانوں کی ایسی قربانیاں ہمارے عزم کو مزید مضبوط کرتی ہیں۔
