کراچی( نمائندہ خصوصی) کراچی میں بارش کے باعث مختلف حادثات میں 2 افراد ہلاک، 5 زخمی ہو گئےپولیس اور ریسکیو حکام کا کہنا ہے کہ شہر میں ہفتہ کی رات سے بارش سے متعلقہ واقعات میں 2 افراد ہلاک جبکہ دو خواتین سمیت 5 زخمی ہوگئے۔سائٹ بی پولیس کے اسٹیشن ہاوس افسر (ایس ایچ او) محمد مسعود نے بتایا کہ فیکٹری ورکر سید فخر عالم ہفتے کی رات بلدیہ 2 میں بارش کے پانی سے بھرے نالے میں گرنے سے ڈوب کر جاں بحق ہوگئے جن کی لاش اتوار کی صبح نکال لی گئی۔انہوں نے بتایا کہ متاثرہ شخص اپنی فیکٹری ’علی انٹرپرائزز‘ سے نکلا تھا اور بلدیہ ٹاون میں واقع اپنے گھر جارہا تھا کہ راستے میں پھسل کر نالے میں گر گیا۔ ان کی لاش جائے وقوع سے کچھ ہی فاصلے سے ملی۔ متوفی پانچ بچوں کا باپ تھا۔
کراچی: بارش کے باعث مختلف حادثات میں 2 افراد ہلاک، 5 زخمی
