الیکشن پیپلز پارٹی کا ہے، سندھ میں پیپلز پارٹی سے مقابلے کی فضا نہیں ، ناصر شاہ

کراچی (نمائندہ خصوصی) پاکستان پیپلز پارٹی کے رہنما ناصر حسین شاہ نے کہا ہے کہ الیکشن پیپلز پارٹی کا ہے، سندھ میں پیپلز پارٹی سے مقابلے کی فضا نہیں ہے۔ ناصر حسین شاہ نے پریس کانفرنس کے دوران کہا ہے کہ پیپلز پارٹی الیکشن میں بھرپور کامیابی حاصل کرے گی، پیپلز پارٹی بلوچستان میں کلین سویپ کرے گی۔ ناصر حسین شاہ نے کہا ہے کہ بلاول کہتے ہیں خرچے کی وجہ سے کوئی علاج سے محروم نہ رہے۔ اُن کا کہنا تھا کہ محنت سے وسطی پنجاب کی صورتحال بدلی ہے۔ انہوں نے مزید کہا کہ سیلاب کے بعد بحالی کے کاموں میں عوام کی مدد کی۔ اُن کا کہنا تھا کہ پیپلزپارٹی اپنا منشور عوام کے سامنے پیش کر رہی ہے، پیپلز پارٹی نے سابق حکومت میں تنخواہوں میں 135 فیصد اضافہ کیا تھا۔ ناصر حسین شاہ کا کہنا تھا کہ 12 لاکھ سے زائد خواتین اپنے پیروں پر کھڑی ہیں، یہی نظام پورے ملک میں لائیں گے۔