فیصل آباد (نمائندہ خصوصی) مسلم لیگ (ن) کی چیف آرگنائزر مریم نواز نے کہا ہے کہ فیصل آباد میں جتنا جذبہ آج دیکھا ہے اس سے پہلے کبھی نہیں دیکھا آج کا جلسہ ہماری جماعت کا سب سے بڑا جلسہ ہے آپ نے جس طرح نواز شریف اور شہباز شریف کا استقبال کیا اس پر مریم نواز آپ کو خراج تحسین پیش کرتی ہے ۔ انہوں نے کہا کہ آٹھ فروری کو الیکشن آرہا ہے یاد رکھنا فیصل آباد چلتا ہے تو پاکستان چلتا ہے فیصل آباد کی صنعتیں چلتی ہیں تو پاکستان کی معیشت چلتی ہے پاکستان کے مزدوروں کو روزگار ملتا ہے ان کے چولہے جلتے ہیں ۔ مریم نواز نے کہا کہ مسلم لیگ (ن) کسی کو چور چور نہیں کہتی الزام کی 
سیاست نہیں کرتی انتقام کی سیاست نہیں کرتی مسلم لیگ (ن) اگر کرتی ہے تو صرف خدمت کی سیاست کرتی ہے اور فیصل آباد والو بتاﺅ کیا خدمت کی سیاست میں مسلم لیگ (ن) کی ٹکر کا کوئی ہے ۔ مریم نواز نے عمران خان پر تنقیدی نشتر برساتے ہوئے کہا کہ حکیم رانا ثنا اللہ نے ایسا علاج کیا ہے کہ نہ بیمار نظر آتا ہے نہ بیماری۔ فیصل آباد میں انتخابی جلسے سے خطاب کرتے ہوئے ان کا کہنا تھا کہ جس محبت سے فیصل آبادمیں استقبال کیا گیا لگا ہی نہیں کہ نواز شریف 4 سال سے یہاں نہ آیا ہو۔مریم نواز نے کہا کہ ممی ڈیڈی نہیں بلکہ اصلی پاکستانی (ن) لیگ کے ساتھ ہیں۔رہنما مسلم لیگ (ن) نے بتایا کہ فیصل آباد ترقی کرتا ہے تو ملک ترقی کرتا ہے، فیصل آباد والوں نے آج اپنا فیصلہ سنادیا ہے، (ن) لیگ گالم گلوچ کی سیاست نہیں کرتی نا ہی کسی کو چور کہتی ہے۔انہوں نے کہا کہ مسلم لیگ(ن) بدتمیزی کا مقابلہ نہیں کرتی، بدتہذیبی کا جواب نہیں دیتی، مسلم لیگ (ن) گالی گلوچ نہیں کرتی، الزامات کی سیاست نہیں کرتی، کسی کو چور چور نہیں کہتی، مسلم لیگ (ن) اگر مقابلہ کرتی ہے تو خدمت میں مقابلہ کرتی ہے۔
فیصل آباد کی صنعتیں چلتی ہیں تو پاکستان کی معیشت چلتی ہے،مریم نواز
مسلم لیگ (ن) کسی کو چور چور نہیں کہتی الزام کی سیاست نہیں کرتی، انتخابی جلسہ سے خطاب
