نوابشاہ ائیر پورٹ پر طیاروں کی ری فیولنگ کی سہولت معطل

کراچی(نمائندہ خصوصی) نوابشاہ ائیر پورٹ پر طیاروں کی ری فیولنگ کی سہولت ایک ماہ کے لیے معطل کردی گئی۔ سول ایوی ایشن اتھارٹی (سی اے اے) نےائیر لائنز کے لیے نوٹم جاری کردیا ہے جس کے تحت نوابشاہ ائیرپورٹ پر ری فیولنگ کے آلات کا معائنہ کیا جائے گا۔ سی اے اے کے جاری نوٹم میں بتایا گیا ہے کہ 29 فروری تک نوابشاہ ایئرپورٹ پر طیاروں کی ری فیولنگ سہولت نہیں ہوگی۔