گیس کی قیمتوں میں اضافے کی خبریں بے بنیاد ہیں ،اوگرا کی وضاحت

اسلام آباد(نمائندہ خصوصی)گیس کی قیمتوں میں اضافے کی خبروں پر آئل اینڈ گیس ریگو لیٹری اتھارٹی (اوگرا) کی وضاحت سامنے آئی ہے۔اوگرا نے وضاحت میں بتایا کہ گیس کی قیمتوں میں اضافے کی خبریں بے بنیاد ہیں، اب تک قیمتوں میں تبدیلی کی کوئی سفارش نہیں کی۔میڈیا میں خبریں گردش کر رہی ہیں کہ اوگرا نے گیس کی قیمتوں میں تقریبا 41 فیصد اضافے کی سفارش کی ہے جو نگراں حکومت کی منظوری کے بعد آئندہ ماہ لاگو ہونے کا امکان ہے۔