پولیس کا چھاپہ، حماد اظہر فرار ہونے میں کامیاب

لاہور( نمائندہ خصوصی)نو مئی جناح ہاوس حملہ کیس کے اہم اشتہاری حماد اظہر کی لاہور میں موجودگی کی اطلاع پر پولیس نے گرفتاری کے لیے جعفریہ کالونی میں چھاپہ مارا ہے، تاہم، پولیس کے پہنچنے تک حماد اظہر موقع سے فرار ہوگئے۔پولیس حماد اظہر کی گرفتاری کیلئے جعفریہ کالونی پہنچی تو ان کے ساتھیوں نے پولیس کو دیکھ کر شور مچادیا۔پولیس کا کہنا ہے کہ ان کے پہنچنے تک اشتہاری حماد اظہر موقع سے فرار ہوگئے۔پولیس نے حماد اظہر کو پناہ دینے والے دو افراد کو گرفتار کرلیا ہے، ملزم باقر اور دوسرے ملزم نے حماد اظہر کو فرار کروایا۔پولیس کا کہنا ہے کہ حماد اظہر جناح ہاوس حملہ کے مرکزی مقدمہ میں اشتہاری قرار دیے گئے ہیں۔