سرگودھا(نمائندہ خصوصی) سرگودھا خوشاب روڈ پر شہر کے قریب تیز رفتار مسافر کوچ موٹر سائیکل سوار کو بچاتے ہوئے چنگ چی رکشہ پر الٹ جانے میں پانچ افراد جاں بحق اور 4 شدید زخمی ہوگئے جن کو اسپتال منتقل کر کے متوفین کی نعشیں ضروری کاروائی کے بعد ورثاء کے سپرد کر دی گئیں۔ سرگودھا خوشاب روڈ پر شہر کے رہائشی علاقہ عزیز بھٹی ٹاون کے قریب میانوالی جانے والی تیز رفتار مسافر کوچ موٹر سائیکل سوار کو بچاتے ہوئے چنگ چی رکشہ پر الٹ گئی
جس کے نتیجہ میں موضع دھریمہ کے 4افراد 50 سالہ عبداللہ،48 سالہ ممتاز،57 سالہ مظہر حیات،50 سالہ غلام شبیر اور چک 58 شمالی کا محمد اصغرجاں بحق اور 4 افراد خوشاب کا 65 سالہ محمد رمضان،بلاک 29 کا 60 سالہ خواجہ یاسین موضع دھریمہ کے 48 سالہ فلک شیر،25 سالہ کلیم اللہ شدید زخمی ہو گے جن کو ریسکیو کر کے فوری طبی امداد کے بعد تین زخمیوں کو تشویشناک حالت میں ڈی ایچ کیو اسپتال منتقل کر دیا گیا اور متوفین کی نعشیں ضروری کاروائی کے بعد ورثاء کے سپرد کر کے تھانہ جھال چکیاں پولیس مصروف تفتیش ہے۔
