اسلام آباد (نمائندہ خصوصی) وزارت خزانہ نے پیٹرولیم اور پاور سمیت توانائی کے شعبے کا گردشی قرضہ کم کرنے کیلئے اربوں روپے جاری کرنے کا فیصلہ کر لیا ہے۔ وزارت خزانہ کے ذرائع کے مطابق توانائی کے شعبے کا گردشی قرضہ کم کرنے کیلئے 1250 ارب روپے جاری کرنے کا فیصلہ کیا گیا ہے۔ ذرائع کے مطابق توانائی کے شعبے کا 12 سو 50 ارب روپے کا گردشی قرضہ سیٹل کرنے کا منصوبہ عالمی مالیاتی ادارے (آئی ایم ایف) سے بھی شیئرکیا جائے گا۔ فیصلے کے تحت پیٹرولیم سیکٹر کیلئے ہزار ارب اور پاور سیکٹر کیلئے 250 ارب روپے جاری کیے جائیں گے۔ فیصلے کے مطابق آئل اینڈ گیس ڈیولپمنٹ کمپنی (اوجی ڈی سی ایل) کو600 ارب، پاکستان پیٹرولیم لمیٹڈ (پی پی ایل) کو 150، گورنمنٹ ہولڈنگز پرائیویٹ لمیٹڈ (جی ایچ پی ایل) کو 170 ارب اور نیشنل پاور پارکس منیجمنٹ کمپنی لمیٹڈ کو بھی 100 ارب روپے جاری کیے جائیں گے۔ ذرائع کے مطابق توانائی شعبے کے گردشی قرضے کی سیٹلمنٹ کیلئے آئی ایم ایف کی منظوری لازمی ہے اس لیے وزیراعظم نے وزارت خزانہ کی بریفنگ کے بعد رقم کے اجراءسے متعلق آئی ایم ایف سے منظوری کیلئے ہدایات جاری کردی ہیں۔ وزارت خزانہ کے ذرائع نے بتایا کہ منظوری کے بعد وزارت خزانہ 900 ارب روپے جاری کرے گی جبکہ آئی ایم ایف کے شرائط پر عمل درآمد کرتے ہوئے گردشی قرضے کیلئے کیش سیٹلمنٹ کی جائے گی۔ ذرائع کے مطابق گردشی قرضے کی سیٹلمنٹ کیلئے کیش دینے سے مالیاتی خسارے میں اضافہ نہیں ہوگا، سیٹلمنٹ سے ڈیویڈنڈ اور ٹیکس کی مد میں 800 ارب روپے ملیں گے۔
توانائی کے شعبہ کا گردشی قرضہ کم کرنے کیلئے 1250 ارب روپے جاری کرنے کا فیصلہ
توانائی کے شعبے کا 1250 ارب روپے کا گردشی قرضہ سیٹل کرنے کا منصوبہ آئی ایم ایف سے بھی شیئرکیا جائے گا، پیٹرولیم سیکٹر کیلئے ہزار ارب اور پاور سیکٹر کیلئے 250 ارب روپے جاری کیے جائیں گے اوجی ڈی سی ایل کو600 ارب، پاکستان پیٹرولیم لمیٹڈ کو 150، گورنمنٹ ہولڈنگز پرائیویٹ لمیٹڈ کو 170 ارب اور نیشنل پاور پارکس منیجمنٹ کمپنی لمیٹڈ کو بھی 100 ارب روپے جاری کیے جائیں گے، ذرائع
جواب دیں
آج کی سب سے زیادہ پڑھی جانے والی خبریں
