الیکشن کمیشن میں اعلیٰ سطح پر تبادلے و تقرریاں

اسلام آباد (نمائندہ خصوصی) الیکشن کمیشن میں اعلیٰ سطح پر تبادلے اور تقرریاں کردی گئیں۔الیکشن کمیشن آف پاکستان کی جانب سے جاری اعلامیہ کے مطابق صوبائی الیکشن کمشنر بلوچستان اعجاز انور چوہان کا تبادلہ کردیا گیا۔اعلامیہ میں مزید کہا گیا ہے کہ اعجاز انور چوہان کو صوبائی الیکشن کمشنر پنجاب تعینات کردیا گیا۔اعلامیہ کے مطابق صوبائی الیکشن کمشنر پنجاب سعید گل کا تبادلہ کرکے ڈی جی الیکشن سیل ای سی پی اسلام آباد تعینات کردیا گیا ہے ۔