الیکشن 8 فروری کو ہی ہونگے، اب کوئی خطرہ نہیں: منظور وسان

کراچی (نمائندہ خصوصی) پیپلز پارٹی کے رہنما منظور وسان نے کہا ہےکہ الیکشن 8 فروری کو ہی ہوں گے۔ ایک بیان میں سابق وزیر منظور وسان نے کہا کہ ملک میں الیکشن 8 فروری کو ہی ہوں گے اور اب کوئی خطرہ نہیں جب کہ بلاول بھٹو زرداری کے وزیراعظم بننے کے چانسز ہیں۔ پی پی رہنما نے کہا کہ بانی پی ٹی آئی فی الحال اس الیکشن میں مائنس ہوچکے ہیں، نہیں لگتا کہ ان حالات میں کوئی ایک پارٹی اکثریت سے حکومت بنائےگی، ملک میں اب جو بھی حکومت بننے گی وہ اتحادی بنے گی۔