سپریم کورٹ کے فیصلے کیخلاف اپیل آج دائر کئے جانے کا امکان

اسلام آباد(نمائندہ خصوصی)پاکستان تحریک انصاف (پی ٹی آئی) نے سپریم کورٹ کے تین رکنی بینچ کے خلاف سپریم کورٹ میں ہی دائر کرنے کے لیے اپیل تیارکرلی آج پیر کودائر کیے جانے کاامکان ہے۔ذرائع نے بتایاہے کہ حامدخان ایڈووکیٹ نے اپیل تیارکی ہے۔اپیل میں سپریم کورٹ کی جانب سے جار ی کردہ فیصلے میں کئی اہم آئینی وقانونی نکات سے اختلاف کیاگیاہے اور ان کے ردمیں اہم ترین فیصلوں کے حوالے بھی دیے گئے ہیں۔اپیل میں فیصلے میں موجودججوں کی جانب سے دیے گئے بعض اہم فیصلوں کے حوالے بھی دیے گئے ہیں اور کہاگیاہے کہ عوا م کے بنیادی حقوق پر یہ فیصلہ رکاوٹ بن رہاہے اس لیے اس کوکالعدم قراردیاجائے اورالیکشن کمیشن کوہدایات جاری کی جائیں کہ وہ پی ٹی آئی امیدواروں کی ازادحیثیت کی بجائے پارٹی کے ٹکٹ کے مطابق ہی ان کے ناموں کی منظوری دی جائے اور بلے کے انتخابی نشان پر الیکشن لڑنے کی اجازت دی جائے۔