خراب موسم کے باعث اسلام آباد ایئرپورٹ پر فلائٹ آپریشن شدید متاثر

اسلام آباد(نمائندہ خصوصی)خراب موسم کے باعث اسلام آباد ایئرپورٹ پر فلائٹ آپریشن شدید متاثر،متعدد پروازیں تاخیر کا شکار ہوئیں ۔اسلام آباد آنے والی 8 بین الاقوامی پروازوں میں تاخیر ہوئی ، جدہ سےاسلام آباد آنے والی ایئرسیال کی پرواز پی ایف 719 سترہ گھنٹے، دبئی سے اسلام آباد ایئربلیو کی پرواز پی اے 217 دس گھنٹے، ریاض سے اسلام آباد ایئربلیو کی پرواز پی اے275 تین گھنٹے، ارومچی سے اسلام آباد آنے والی پرواز سی زی 6007 ساڑھے تین گھنٹے، جدہ سے اسلام آباد آنے والی سعودی ایئرلائن ایس وی 722 دو گھنٹے، پی آئی اے کی دوحہ سےاسلام آباد آنے والی پرواز پی کے 288 ساڑھے آٹھ گھنٹے، جدہ سے اسلام آباد آنےطوالی سیرین ایئر کی پرواز ای آر 802 تیرہ گھنٹے،اور دبئی سے اسلام آباد آنے والی ایئربلیو کی پرواز 211 تقریبا نو گھنٹے تاخیر کا شکار ہوئیں۔