الیکشن کمیشن پی ڈی ایم کے لیے سہولت کاری کررہا ہے، لطیف کھوسہ

راولپنڈی (نمائندہ خصوصی) پاکستان تحریک انصاف کے رہنما لطیف کھوسہ نے الزام عائد کیا ہے کہ الیکشن کمیشن پی ڈی ایم کے لیے سہولت کاری کررہا ہے۔راولپنڈی میں میڈیا سے گفتگو کرتے ہوئے ان کا کہنا تھا کہ پی ڈی ایم اور ساری مخالف جماعتوں کا صرف ایک ہی نقطہ نظر ہے کہ کسی طریقے سے عمران خان، خان کی جماعت اور بلے کو بیلٹ پیپر سے حذف کیا جائے تاکہ گلیاں وچ کلاں ہی رانجھا ناچے۔انہوں نے بتایا کہ پی ٹی آئی قوم کی خدمت کے لیے کوشاں ہے، کل سپریم کورٹ میں الیکشن کمیشن کا رویہ دنیا کے سامنے رکھا ہے، ہمیں بلے کا نشان ملے یہ نہ ملے، پی ٹی آئی ایک ہی نشان پر الیکشن لڑے گی۔انہوں نے کہ کہ یہ لوگ تحریک انصاف کا مقابلہ نہیں کرسکتے، القادر ٹرسٹ اور توشہ خانہ کیس میں کوئی شواہد نہیں ملے، 190ملین پاونڈ کیس سے بانی پی ٹی آئی کا کوئی تعلق نہیں ہے۔