سربراہ پاک فضائیہ ایئر چیف مارشل ظہیر احمد بابر سدھو نے آج یومِ پاکستان پریڈ کے موقع پر پی اے ایف اور پاک بحریہ فلائی پاسٹ طیاروں کی فارمیشنز کی قیادت کی۔
ائیرچیف نےF-16 بلاک 52 طیارے میں پریڈ سکوائرکےاوپر شاندار پرواز کا مظاہرہ کیا۔ ائیر چیف کاجہازآسمان کی بلندیوں میں جاتا دیکھ کرمسحورحاضرین بےحد محظوظ ہوئے ۔
اس اہم دن پر، J-10C لڑاکا طیاروں کی فلائی پاسٹ میں پہلی دفعہ شرکت سے ایک نئی تاریخ بھی
رقم ہو ئی ہے۔ پاک فضائیہ میں J-10C طیاروں کی شمولیت ایک اہم سنگ میل ہے جس سےپاک فضائیہ کی آپریشنل صلاحیتوں میں مزید اضافہ ہوگا۔ فلائی پاسٹ میں JF-17s، F-16s, Mirages, J-10C، قراقرم ایگل، Saab-2000 Erie Eye، ایف 7 پی، ایف 7 پی جی اور PAF اکیڈمی ایروبیٹکس ٹیم "شیردل” نے بھی فضائی مظاہرہ پیش کیا۔
قبل ازیں ایئرچیف یومِ پاکستان پریڈ کی فلائی پاسٹ میں پی اے ایف فارمیشنزکی قیادت کرنےکےلیےپاک فضائیہ کےآپریشنل ایئربیس پہنچے۔ انہوں نے فضائی اورزمینی عملےسےملاقات کی اوران کی غیرمعمولی لگن اور جذبے کی تعریف کی۔
