لاہور (نمائندہ خصوصی) سابق چیف جسٹس ثاقب نثار کے گھر پر دستی بم حملے کا مقدمہ درج کرلیا گیا۔ لاہور کے علاقے گارڈن ٹاون میں گزشتہ رات سابق چیف جسٹس ثاقب نثار کے گھر کے گیراج پر دستی بم حملہ کیا گیا جس کا مقدمہ سی ٹی ڈی نے کانسٹیبل سجاد حسین کی مدعیت میں درج کیا ہے۔ ایف آئی آر میں دہشتگردی سمیت دیگر دفعات شامل کی گئی ہیں جب کہ مقدمے کے متن میں کہا گیا ہےکہ حملے میں 3 افراد کانسٹیبل عامرعلی،خرم شہزاد اور سجاد حسین زخمی ہوئے، حملے سے 2 گاڑیوں کے شیشے ٹوٹ گئے۔ ایف آئی آر کے مطابق دستی بم گیراج اور صحن کے درمیان کھڑی گاڑی پر پھینکا گیا اور حملہ کرنے والوں کا تعلق کسی کالعدم تنظیم سے لگتا ہے۔
ثاقب نثار کے گھر پر دستی بم حملے کا مقدمہ درج، کالعدم تنظیم پر شبہ
حملے کا مقدمہ سی ٹی ڈی نے کانسٹیبل سجاد حسین کی مدعیت میں درج کیا ہے
