احسن اقبال،دانیال عزیز نے کاغذات نامزدگی حاصل کرلئے

نارووال(نمائندہ خصوصی) لیگی رہنماوں احسن ا قبال اور دانیال عزیز نے کاغذات نامزدگی حاصل کرلئے۔ تفصیلات کے مطابق عام انتخابات کے سلسلے میں نارووال میں این اے 75شکر گڑھ سے مسلم لیگ (ن) کے رہنما دانیال عزیز اور این اے 76نارووال سے احسن اقبال نے کاغذاتِ نامزدگی وصول کر لئے ہیں۔ نارووال میں 2قومی اور 5صوبائی اسمبلی کی نشستوں کیلئے 170کاغذاتِ نامزدگی وصول کئے گئے ہیں۔این اے 75 نارووال 1شکر گڑھ سے 13امیدواروں نے،این اے 76نارووال 2سے 16امیدواروں نے کاغذاتِ نامزدگی حاصل کئے ہیں۔پی پی 54ظفر وال سے 22، پی پی 55شکر گڑھ سے 50اور پی پی 56سے 17کاغذاتِ نامزدگی حاصل کئے گئے ہیں۔پی پی 57سے 32اور پی پی 58سے 20امیدواروں نے،پی پی 58میں 1امیدوار محمد اکمل نے کاغذات نامزدگی جمع کرائے ہیں۔