کارکردگی کی بنیاد پر انتخابات میں کامیابی کےلئے پرامید ہےں، احسن اقبال

لاہور(نمائندہ خصوصی) مسلم لیگ ن کے رہنما احسن اقبال نے کہا ہے کہ کارکردگی کی بنیاد پر مسلم لیگ ن انتخابات میں کامیابی کےلئے پرامید ہے ۔ مسلم لیگ نے تھرکول منصوبے کو حقیقت بنایا،منفی سیاست وہی کرتا ہے جس کا دامن خالی اور دوسروں پر تنقید کرتا ہے ۔ لاہور میں میڈیا سے گفتگو کرتے ہوئے انہوں نے کہا کہ تھر کے کوئے کو قومی خزانے میں تبدیل کیا مسلم لیگ ن کا سندھ کے عوام سے گہرا تعلق ہے، مسلم لیگ نے تھرکول منصوبے کو حقیقت بنایا،اگر اناڑی کو مسلط نہ کیا جاتا تو حیدرآباد موٹروے مکمل ہو جا تی، نواز شریف نے سندھ کو امن کا تحفہ دیا ،کراچی کو دہشتگردی سے پاک کرکے نواز شریف نے کراچی کو امن اور روشنیوں کو شہر بنایا،سندھ پاکستان کا اہم صوبہ ہے ، کراچی میں پانی کی فراہمی کےلئے اربوں روپے فراہم کےئے،کراچی پاکستان کا معاشی دارلخلافہ ہے ، ہم انتخابات میں اپنے منشور کے مطابق اتریں گے فیصلہ پاکستان کے عوام نے کرنا ہے،ہم سندھ کے عوام کو منی بیک گارنٹی دیتے ہیں کہ آپ ایک دفعہ مسلم لیگ ن کو موقع دیں اگر آپ کو پنجاب میں جس طرح کام نظرآیا وہی کام سندھ میں نظر نہ آئے توہمیں جوجرمانہ کریں ہمیں منظور ہو گا۔ احسن اقبال نے کہا کہ مسلم لیگ ن اپنی کارکردگی کے لحاظ سے پر اعتماد ہے ،منفی سیاست وہی کرتا ہے جس کا دامن خالی اور دوسروں پر تنقید کرتا ہے جس کی مثا ل عمران نیازی کے آپ کے سامنے ہے ،عمران نیازی نے بھی چار سال اقتدار میں رہا ہے لیکن سندھ میں ایک دھیلا کا کام نہیں کروایا۔