بہاول پور،شدید دھند کے باعث ویگن ٹرک سے جاٹکرائی

بہاول پور(نمائندہ خصوصی) شدید دھند کے باعث سواریوں سے بھری ویگن ٹرک سے جاٹکرائی، 4افراد جاں بحق، 17 افرادزخمی ہوگئے، اسپتال منتقل۔ تفصیل کے مطابق سواریوں سے بھری ایک وین حاصل پورسے چھوناوالاجارہی تھی کہ شدیددھند کے باعث ٹرک کے پیچھے سے جاٹکرائی جس کے نتیجے میں 4افراد موقع پرجاں بحق ہوگئے جبکہ خواتین بچوں سمیت17افرادزخمی ہوگئے۔ اطلاع پرریسکیو 1122فوری طورپر موقع پرپہنچ گئی اورزخمیوں کوابتدائی طبی امداد دیتے ہوئے ٹی ایچ کیوہسپتال حاصل پور اور آریچ سی چھوناوالا میں شفٹ کردیا۔ جاں بحق ہونےوالوں میں 18سالہ حسن، 6سالہ حنان،9سالہ ہانیہ ،32سالہ شمیم اختر شامل ہیں جبکہ زخمیوں میں 60سالہ اصغرخان، 35سالہ یاسین، 11سالہ ماہ نور، 13سالہ صبح فاطمہ، 5سالہ منزہ فاطمہ،18سالہ آصف، 60سالہ مقبولاں بی بی، 20سالہ نبیلہ بی بی، 40سالہ آصف جاوید، 43سالہ مقصودودیگر شامل ہیں۔