لاہور (نمائندہ خصوصی) شہر میں سموگ کا راج بدستور برقرار ہے ۔دنیا کے آلودہ ترین شہروں کی فہرست میں لاہورکا دوسرا نمبر رہا۔تفصیلات کے مطابق موسم سرما کا آغاز ہوتے ہی سموگ نے ڈیرے ڈال لیے ہیں، لاہور میں گذشتہ ہفتوں میں فضائی آلودگی کی وجہ سے پیدا ہونے والے سموگ کی مقدار انتہائی خطرناک سطح پر پہنچ گئی۔حالیہ ڈیٹا کے مطابق رواں ماہ لاہور شہر متعدد بار دنیا کے آلودہ ترین شہروں کی فہرست میں پہلے نمبر پر رہا تاہم جمعرات کے روز دنیا کے آلودہ ترین شہروں کی فہرست میں لاہورکا دوسرا نمبر رہا۔شہرکا مجموعی ایئرکوالٹی انڈیکس 230ریکارڈ کیا گیا ، انتظامیہ کی جانب سے شہریوں سے غیر ضروری سفر کرنے سے گریز کی اپیل کی گئی ہے۔
لاہور دنیا کا دوسرا آلودہ ترین شہر قرار
