ذوالفقار علی بھٹو ریفرنس :لائیو کاسٹ کیلئے سپریم کورٹ میں درخواست جمع

اسلام آباد(نمائندہ خصوصی)سپریم کورٹ آف پاکستان میں سابق وزیر خارجہ اور چیئرمین پیپلز پارٹی بلاول بھٹو نے اپنے نانا ذوالفقار علی بھٹو کیس کی لائیو ٹیلی کاسٹ کے لیے درخواست دائر کردی۔ درخواست بلاول بھٹو کی جانب سے وکیل فاروق ایچ نائیک نے دائر کی جس میں کہا گیا کہ صدارتی ریفرنس میرے والد آصف زرداری کی جانب سے دائر کیا گیا۔سپریم کورٹ میں کل ذوالفقار بھٹو کیس سماعت کے لیے مقرر ہے۔ذوالفقار بھٹو کے قتل سے متعلق صدارتی ریفرنس پر سماعت سپریم کورٹ کا لارجر بینچ کرے گا۔چیف جسٹس آف پاکستان جسٹس قاضی فائز عیسیٰ کی سربراہی میں سپریم کورٹ کا 9 رکنی لارجر بینچ کل دسمبر کو ذوالفقار علی بھٹو کیس کی سماعت کرے گا۔سابق صدر آصف علی زرداری نے اپریل 2011 میں صدارتی ریفرنس سپریم کورٹ میں دائر کیا تھا۔واضح رہے کہ گزشتہ روز سینئر رہنما پیپلز پارٹی فیصل کریم ک±نڈی نے ذوالفقار علی بھٹو ریفرنس کی سماعت براہ راست نشر کرنے کا مطالبہ کیا تھا۔