کراچی میں سردی کی شدت بڑھنے لگی

کراچی(نمائندہ خصوصی) محکمہ موسمیات نے کہا کہ کراچی میں شام کے اوقات میں سرد ہوائیں بڑھنے کا امکان ہے، اس وقت موسم سرد اورٹھنڈی ہواوں کا راج برقرار ہے۔ شہرکا موجودہ درجہ حرارت 15 ڈگری سینٹی گریڈ ریکارڈ کیا گیا ہے جبکہ کم سے کم درجہ حرارت 14 ڈگری سینٹی گریڈ ریکارڈ ہوا ہے۔ زیادہ سےزیادہ درجہ حرارت 27 سے 29 ڈگری تک جانے کا امکان ہے، شمال مشرق سے ہوائیں 6 کلو میٹر فی گھنٹہ کی رفتار سے چل رہی ہیں، ہوا میں نمی کا تناسب 87 فیصد ریکارڈ کیا گیا۔