حلقہ بندیاں شائع ہوچکیں باقی سب کچھ اپنے وقت پر ہوگا، چیف الیکشن کمشنر

اسلام آباد( نمائندہ خصوصی) چیف الیکشن کمشنر سلطان سکندر راجہ نے کہا ہے حلقہ بندیاں شائع ہوچکیں باقی سب کچھ اپنے وقت پر ہوگا ۔ صحافیوں سے غیر رسمی گفتگوکرتے ہوئےچیف الیکشن کمشنر نے کہا ہے کہ حلقہ بندیاں شائع ہوچکیں باقی سب کچھ اپنے وقت پر ہوگا، ہم سب کچھ اپنے وقت سے پہلے کررہے ہیں، الیکشن شیڈول، آر آوز اور ڈی آر آوز کی تعیناتی بھی وقت پر ہوگی۔ چیف الیکشن کمشنر سے صحافی نے سوال کیا کہ انتخابی شیڈول کب جاری ہوگا؟ جس پر چیف الیکشن کمشنر نے جواب دیا کہ 8 فروری سے پیچھے 54 دن کا حساب لگا لیں۔آر آوز اور ڈی آر آوز عدلیہ یا بیوروکریسی سے لیں گے، صحافی کے سوال پر چیف الیکشن کمشنر نے مسکراتے ہوئے نو کمنٹس کا جواب دیدیا۔