ایف آئی اے اینٹی کرپشن سرکل کراچی کی کارروائی: ایف آئی اے میں بھرتی کا جھانسا دیکر مالا مال ہونے ملازم گرفتار

کراچی(رپورٹ علی رضا خواجہ) ایف آئی اے اینٹی کرپشن سرکل کراچی نے ایف آئی اے میں بھرتی کے لئے شہریوں سے لاکھوں روپے وصول کرنے والے A.E.T.O سہیل عباس کو گرفتار کرلیا ہے ملزم سابق ڈی ایس پی جاوید عباس کا بھائی اور اداکار بلال عباس کا والد ہے.ملزم کے خلاف 2022 میں شکایت موصول ہوئی تھی ایف آئی اے کے نوٹس کے جواب میں تفتیشی افسر کو دھمکیاں دیتا رہا ہے اس سے قبل بھی اسی طرح کی ایک انکوائری کو سیاسی اثر ورسوخ استعمال کر کے درخواست گزار کے زریعے درخواست واپس لینے کے لیے دباؤ ڈال کر انکوائری بند کروائی تھی جس درخواست پر ملزم کے خلاف کارروائی کی گئی ہے وہ رقم سہیل عباس کی بیگم کے اکاوئنٹ میں وصول کی گئے تھی ایف آئی اے نے ملزم کے گھر سے نان کسٹم پیڈ دو گاڑیاں بھی ضبط کی ہیں جس پر ایف آئی اے میں علیحدہ سے کارروائی کی جائے گی ۔