آئی ایم ایف کی ایک اور شرط پوری، وفاقی کابینہ نے آرڈیننس لانے کی منظوری دیدی

اسلام آباد(نمائندہ خصوصی )وفاقی حکومت نے آئی ایم ایف کا ایک اور مطالبہ پورا کرنے کا فیصلہ کرلیا،مختلف اداروں کی کارکردگی بہتر بنانے کےلئے آرڈیننس لائے جائیں گے۔ ذرائع نے بتایا کہ نگران وفاقی کابینہ نے آرڈیننس لانے کی منظوری دیدی ،نگران وفاقی کابینہ نے سمری سرکولیشن کے ذریعے آرڈیننس لانے کی منظوری دی،نگران کابینہ سے منظوری کے بعد آرڈیننسز ایوان صدر بھجوائے جائیں گے،ذرائع کے مطابق پاکستان براڈکاسٹنگ کارپوریشن ترمیمی آرڈیننس لایا جائیگا،پاکستان پوسٹل سروسز مینجمنٹ بورڈ آرڈیننس میں ترمیم لائی جارہی ہے،پاکستان نیشنل شپنگ کارپوریشن آرڈیننس 1979 میں ترمیم لائی جارہی ہے،نیشنل ہائی وے اتھارٹی ترمیمی آرڈیننس بھی لایا جائے گا،ان آرڈیننسوں کا مقصد ان بڑے اداروں کے امور کار کو بہتر بنانا ہے۔