کوئٹہ( نمائندہ خصوصی) ایف آئی اے انٹرپول کی گوادرمیں بڑی کارروائی،پنجاب پولیس کوسنگین جرائم میں مطلوب ملزم کو گرفتار کر لیا ذرائع کے مطابق ملزم عبدالجبار کو گوادر چیک پوسٹ سے گرفتار کیا گیاذرائع کے مطابق ملزم نے گوادر چیک پوسٹ سے ایران فرار ہونے کی کوشش کر رہا تھا ۔ملزم کی گرفتاری کے لئے ایف آئی اے انٹرپول نے ریڈ نوٹس جاری کیا تھاملزم کو انٹرپول کے ریڈ نوٹس کی بنیاد پر گرفتار کیا گیازرائع کے مطابق گرفتار ملزم سنگین دفعات کے تحت گجرانوالہ پولیس کو مطلوب تھا۔ذرائع کے مطابق ملزم کے خلاف اقدام قتل کی دفعات کے تحت تھانہ علی پور چٹھ میں مقدمہ درج تھا۔ملزمان کی حوالگی انٹرپول اسلام آباد کی ایف آئی اے امیگریشن کے ساتھ قریبی رابطہ کاری کی وجہ سے ممکن ہوئی۔بعد ازاں ایف آئی اے امیگریشن گوادر چیک پوسٹ نے ملزم کو متعلقہ پولیس حکام کے حوالے کر دیا۔این سی بی انٹرپول پاکستان بیرون ملک فرار ہونے والے ملزمان کی گرفتاری کے لئے گراں قدر خدمات سرانجام دے رہا ہے ذرائع کے مطابقانتہائی مطلوب ملزمان کی گرفتاری اور بروقت حوالگی کے لئے این سی بی انٹرپول پاکستان ہمہ وقت کوشاں ہے۔
