کراچی سمیت بھر میں موسم خشک اور رات ٹھنڈی رہنے کا امکان

کراچی (نمائندہ خصوصی) سندھ بھر میں آئندہ 24 گھنٹوں کے دوران موسم خشک اور رات ٹھنڈی رہنے کا امکان ہے۔ محکمہ موسمیات کے مطابق سندھ کے میدانی علاقوں میں دھند چھائے رہنے کا امکان ہے۔ محکمہ موسمیات نے کراچی میں آئندہ 3 روز کے دوران مطلع صاف اور موسم خشک رہنے کا رہنے کا امکان ظاہر کیا ہے۔ اس دوران شہرِ قائد میں شمال مشرق اور مشرق سے ہوائیں چلتی رہیں گی۔ آج شمال مشرق سے چلنے والی ہواﺅں کی رفتار 4 کلو میٹر فی گھنٹہ ریکارڈ ہوئی ہے، جن میں نمی کا تناسب 54 فیصد ہے۔ محکمہ موسمیات نے بتایا ہے کہ کراچی میں کم سے کم درجہ حرارت 20 ڈگری سینٹی گریڈ ریکارڈ ہوا ہے۔ آج شہر کا درجہ حرارت زیادہ سے زیادہ31 سے 33 ڈگری سینٹی گریڈ کے درمیان رہنے کا امکان ہے۔