لاہور (نمائندہ خصوصی) مشیر سرمایہ کاری بورڈ حکومت پاکستان سید فیروز عالم شاہ نے کراچی میںجاپان کے سبکدوش ہونے والے قونصل جنرل اوڈاگیری توشیو سے ملاقات کی ۔ملاقات انتہائی خوشگوار ماحول میں ہوئی اس موقع پرسید فیروز عالم شاہ نے جاپانی قونصل جنرل اوڈاگیری توشیو کوقالین کا تحفہ دیا۔مشیر سرمایہ کاری بورڈحکومت پاکستان سید فیروز عالم شاہ نے کراچی میں تعینات رہنے والے جاپانی قونصل جنرل اوڈاگیری توشیو کی خدمات کو خراج تحسین پیش کیا ۔پاکستان جاپان بزنس فورم کے ڈائریکٹر سید فیروز عالم شاہ کا کہنا تھا کہ جاپانی قونصل جنرل اوڈاگیری توشیو نے ہمیں جاپانی کلچر ،جاپان کی معیشت اور اقتصادی ترقی کے میدانوں میںجاپانی قوم کی جہد مسلسل اور کامیابیوں کے سفر سے روشناس کیا اور پاکستان اور جاپان کے درمیان دوستی کے رشتے کو مزید مضبوط بنانے میں اہم کردار ادا کیا۔مشیر سرمایہ کاری بورڈ حکومت پاکستان سید فیروز عالم شاہ کا کہنا تھا کہ بلاشبہ جاپان ایک عظیم ملک ہے اور اس کے باشندگان کا شمار دنیا کی عظیم ترین قوموں میں کیا جاتا ہے، ان کی اپنے وطن اور اپنے وطن کے دوست ممالک سے محبت دیدنی اور بے مثال ہے۔
