اسلام آباد ایئرپورٹ پر لینڈنگ کے دوران طیارے سے جنگلی جانور ٹکرا گیا

اسلام آباد( نمائندہ خصوص) وفاقی دارالحکومت اسلام آباد ایئرپورٹ پر لینڈنگ کے دوران طیارے سے جنگل جانور ٹکرا گیا۔ تفصیلات کے مطابق اسلام آباد کے انٹرنیشنل ایئرپورٹ پر طیارے سے جنگل جانور کے ٹکرانے کا واقعہ پیش آیا ہے، اسلام آباد ایئرپورٹ پر پرواز کی لینڈنگ کے دوران وائلڈ لائف ہٹ کا یہ واقعہ اس وقت ہوا، جب دبئی سے اسلام آباد آنے والی فلائٹ نے 11 بج کر 51 پر لینڈ کیا تو لینڈنگ کے بعد پائلٹ نے رن وے 28L پر لینڈنگ رول کے دوران نوز وہیل پر جانور ٹکرانے کی اطلاع دی اور رن وے کا معائنہ پر ٹیکسی وے C اور F کے درمیان مردہ جانوروں کی باقیات ملیں، جس پر متعلقہ ائرلائین کے انجینئرنگ شعبے نے ہوائی جہاز کو کوئی نقصان نہ پہنچنے کے بارے میں بتایا۔