غزہ کے اسپتال میں جانی نقصان پر گہرا صدمہ پہنچا،نریندر مودی

نئی دہلی(نیٹ نیوز ) اسرائیلی فوج کی جانب سے غزہ کے اسپتال کو نشانہ بنانے کے ایک روز بعد بھارت کے وزیرِ اعظم نریندر مودی کا بیان سامنے آ گیا۔سوشل میڈیا پر اس حوالے سے نریندر مودی نے پیغام لکھا ہے کہ غزہ کے اسپتال میں ہونے والے المناک جانی نقصان پر گہرا صدمہ پہنچا، متاثرین کے اہلِ خانہ کے ساتھ تعزیت کرتا ہوں اور زخمیوں کی جلد صحت یابی کے لیے دعاگو ہوں۔بھارتی وزیرِ اعظم نریندر مودی نے لکھا ہے کہ اس جاری تنازع میں شہریوں کی ہلاکتیں سنگین اور مسلسل تشویش کا معاملہ ہے، ملوث افراد کو ذمے دار ٹھہرایا جانا چاہیے۔واضح رہے کہ 17 اکتوبر کو اسرائیلی فوج نے غزہ میں زخمیوں سے بھرے اسپتال پر بمباری کی تھی جس سے بچوں اور خواتین سمیت 500 فلسطینی شہید جبکہ سیکڑوں شدید زخمی ہو گئے تھے۔