کراچی (نمائندہ خصوصی ) آل سٹی تاجر اتحاد ایسوسی ایشن رجسٹرڈ کے زیر اہتمام محمد شرجیل گوپلانی کی زیر قیادت تاجر برادری اور بے شمار شرکا نے فلسطین کے ساتھ اظہار یکجہتی کیلئے ٹاور سے نمائش تک ریلی نکالی۔چیئرمین آل سٹی تاجر اتحاد ایسوسی ایشن رجسٹرڈ، صدر کراچی ٹمبر مرچنٹس گروپ چیئرمین آل پاکستان ٹمبر ٹریڈرز ایسوسی ایشن، محمد شرجیل گوپلانی نے کہا کہ فلسطینی عوام کو اسرائیلی جارحیت سے بچانا ہوگا۔
شرجیل گوپلانی کا کہنا تھا کہ کراچی کے بے شمار لوگ فلسطینی بھائیوں کی مدد کو جانا چاہتے ہیں، حکومت پاکستان انہیں اجازت دے، ان کے اخراجات کے علاوہ کراچی کی تاجر برادری فلاطینی بھائیوں کی مدد کے لئے ہمہ وقت تیار ہے، ہم اس جہاد میں شریک ہونے کے لیے ہر وقت تیار ہیں۔ حکومت پاکستان، سپہ سالار اور علماء کرام ہماری رہنمائی کریں، ہم پیچھے ہٹنے والے نہیں ہیں۔شرجیل گوپلانی کا کہنا تھا کہ فلسطین کے نہتے عوام کو اسرائیلی جارحیت سے بچایا جائے، غیرمعمولی صورتحال میں غیر معمولی اقدامات کرنا پڑیں گے۔ انہوں نے کہا کہ فلسطین کشیدگی سے عالمی امن کو خطرہ ہے، لگتا ہے کہ ہم سب خطرے کی زد میں آجائیں گے، اسلامی ممالک کے حکمران ذاتی، داخلی چپقلش کی وجہ سے اس قابل نہیں کہ ایسا کردار ادا کر سکیں جو عالم اسلام اور فلسطین کے عوام کیلئے دیرپا امن کی ضمانت فراہم کرسکے۔شرجیل گوپلانی کا کہنا تھا کہ فلسطین کی صورتحال اقوام عالم کے ضمیر کیلئے امتحان ہے، عالم اسلام کے حکمران خطرہ محسوس نہیں کر رہے، یہی وقت ہے کہ مسلمان خود باہر نکل کر دنیا کی توجہ انسانی المیے کی طرف دلا سکیں۔شرجیل گوپلانی نے مزید کہا کہ حکومت پاکستان کی جانب سے صرف مذمت سے کام نہیں چلے گا، حکومت کو فلسطین کے حوالے سے واضح موقف دینا چاہیے، ہمیں فلسطین کے ساتھ اظہار یکجہتی کی ضرورت ہے۔اس ریلی میں کراچی کے تاجر اور عوام نے بھرپور شرکت کی۔ جس میں کراچی کی تاجر برادری کے دیگر رہنما بھی موجود تھے جن میں محمد احمد شمسی (جنرل سیکریٹری) یعقوب بالی (سینئر نائب صدرآل سٹی تاجر اتحاد ایسوسی ایشن) فیصل جان کبیر (صدر آل سٹی تاجر اتحاد ایسوسی ایشن) سید محمد سعید (وائس چیئرمین آل سٹی تاجر اتحاد ایسوسی ایشن) زاہد امین (صدر آل سٹی تاجر اتحاد ایسوسی ایشن) طارق ممتاز(نائب صدر آل سٹی تاجر اتحاد ایسوسی ایشن) حافظ محمد طیب‘ حسیب اخلاق، چوہدری ایوب،عاطف شیخ،اسلم قریشی، عثمان صدیقی (فنانس سیکریٹری آل سٹی تاجر اتحاد ایسوسی ایشن) ظفر خان (کورنگی بچت بازار) محمد زبیر علی خان (جوائنٹ سیکریٹری آل سٹی تاجر اتحاد ایسوسی ایشن) فیاض ابوبکر، شاہد بٹ (کنوینر کورنگی) ، اسلم پرویز، یونس بچو.اسماعیل لالپوریا نے بھی شرکت کی۔
