لاڑکانہ(رپورٹ محمد عاشق پٹھان )کندھ کوٹ کچے کے علاقے مبارک بھیو میں رینجرز اور پولیس کی مشترکہ کارروائی :چار ڈاکوؤں اور جرائم پیشہ افراد کے 4 سہولت کار گرفتار بھاری مقدار میں اسلحہ برآمد تفصیلات کے مطابق رینجرز ترجمان کے مطابق کندھ کوٹ کچے کے علاقے میں رینجرز اور پولیس کا اینٹلیجنس بیسڈ کے بنیاد پر سہولت کاروں کے خلاف کارروائیاں جاری ہیں گاؤں مبارک بھیو میں دوران کاروائی چار سہولت کاروں کو اسلح سمیت گرفتار کرلیا گیا،ترجمان رینجرز کے مطابق ملزمان کا تعلق بھیو گینگ سے ہے جن میں ملزم بلاول ، اللہ ڈنو ، محمد سلمان اور صدرالدین شامل ہیں ملزمان کے قبضے دو ایس ایم جیز ، ایک پسٹل ، تین عدد 12 بور ڈبل بیرل ، ایک عدد 12 بور سنگل بیرل, 94 مختلف اقسام کی گولیاں ایک دوربین ، موبائیل فونز اور نقدی بھی برآمد کر لیے گئے ہیں ملزمان کو قانونی کاروائی کیلئے اسلحہ اور مسروقہ سامان سمیت پولیس کے حوالے کر دیا گیا ہے
