دھابیجی پر کراچی کو پانی فراہم کرنے والی لائن پھٹ گئی

ٹھٹھہ(نمائندہ خصوصی)ٹھٹھہ میں دھابیجی پمپنگ اسٹیشن پربجلی کے بڑے بریک ڈاون سے لائن پھٹ گئی۔ واٹرکارپوریشن کے مطابق 72 انچ قطر کی پائپ لائن نمبر 5 بیک پریشر کے باعث پھٹی، اس لائن سے کراچی کو پانی فراہم کیا جاتا ہے۔ واٹرکارپوریشن نے بتایا کہ پائپ لائن پھٹنے سے پمپنگ اسٹیشن کے 19 پمپ بند ہوگئے جبکہ 2 روز قبل بھی بجلی کے بریک ڈاون سے پمپنگ اسٹیشن کی 2 پائپ لائنیں پھٹ گئی تھیں۔ واٹرکارپوریشن کے مطابق پائپ لائن پھٹنے سے کراچی کے مختلف علاقوں میں پانی کی قلت کا خدشہ ہے۔