مالی سال کے پہلے دوماہ میں دالوں کی درآمدات میں سالانہ بنیادوں پراضافہ

اسلام آباد(نمائندہ خصوصی)دالوں کی درآمدات میں جاری مالی سال کے پہلے دوماہ میں سالانہ بنیادوں پراضافہ ریکارڈکیاگیاہے۔پاکستان بیوروبرائے شماریات کی جانب سے اس حوالہ سے جاری کردہ اعدادوشمارکے مطابق جولائی اوراگست میں دالوں کی درآمدات پر138.51 ملین ڈالرکازرمبادلہ صرف ہواجوگزشتہ مالی سال کی اسی مدت کے مقابلہ میں 5.39 فیصدزیادہ ہے، گزشتہ مالی سال کی اسی مدت میں دالوں کی درآمدات پر131.46 ملین ڈالرکازرمبادلہ صرف ہواتھا۔اگست میں دالوں کی درآمدات کاحجم 73.29 ملین ڈالرریکارڈکیاگیا۔جوجولائی میں 65.25 ملین ڈالراورگزشتہ سال اگست میں 79.25 ملین ڈالرتھا، مالی سال 2023 میں دالوں کی درآمدات پر748.145 ملین ڈالرکازرمبادلہ صرف ہواتھا۔ واضح رہے کہ جاری مالی سال کے پہلے دوماہ میں اشیائے خوراک کی درآمدات پرمجموعی طورپر1.2136 ارب ڈالرکازرمبادلہ صرف ہواجوگزشتہ مالی سال کی اسی مدت میں 1.468 ارب ڈالرتھا۔