کابل( مانیٹرنگ ڈیسک )
افغانستان میں طالبان کی عبوری حکومت نے پاکستان کے خلاف سرحد پار حملے کرنے میں ملوث 200 مشتبہ عسکریت پسندوں کو گرفتار کرلیا۔تفصیلات کے مطابق پاکستان مخالف سرگرمیوں میں ملوث 200 عسکریت پسندوں کو افغانستان میں گرفتار کرلیا گیا، طالبان حکومت نے دعویٰ کیا کہ عسکریت پسندوں کو سرحد پار حملے کے الزام میں گرفتار کیا گیا۔وائس آف امریکا نے پاکستانی عہدیداروں کے مطابق بتایا افغان عبوری حکومت نے کالعدم ٹی ٹی پی کے خلاف پکڑ دھکڑ کی تفصیلات گزشتہ ہفتے کابل میں اسلام آبادکے اعلیٰ سطح وفد کو فراہم کردی ہیں۔امریکی میڈیا کےمطابق گرفتار تمام عسکریت پسند اب جیل میں ہیں، افغان حکومت کے مرکزی ترجمان ذبیح .اللہ مجا..ہد کا کہنا ہے ہم نے دہشت گرد سرگرمیوں کےخاتمے کیلئے ٹھوس اقدامات کو نافذ کردیا ہے، کسی کو بھی پاکستان کے خلاف افغان سرزمین کے استعمال کی اجازت نہیں دیتے۔ذبیح. اللہ مجا..ہد کا کہنا تھا کہ یہ ہماری بیان کردہ پالیسی ہے اور ہم پاکستان کی داخلی سیکیورٹی کے مسائل میں صرف اپنی استعداد کے مطابق ہی مدد کر سکتے ہیں۔
