پاکستان میں چینی سرمایہ کاربھی پاکستانی محکموں سے تنگ آگئے

فیصل آباد(نمائندہ خصوصی) پاکستان میںچائینز سرمایہ کاربھی پاکستانی محکموں سے تنگ آگئے،چائینز سرمایہ کاروں کومختلف محکموں کی جانب سے بہت سے مسائل کے بارے مےں تحفظات کا اظہار۔ مذکورہ محکمہ جات بنا کسی نوٹس کے فیکٹریوں کو بند کرجاتے ہیںجس سے کاروباری نقصان ہوتاہے، فیصل آباد انڈسٹریل اسٹیٹ ڈویلپمنٹ اینڈ مینجمنٹ کمپنی (فیڈمک) کے آفس میں چائینز سرمایہ کاروں سے چیئرمین فیڈمک میاں محمد انس جان ،سی ای او محمد تنویر جبار کی خصوصی ملاقات ،چائینز سرمایہ کاروں نے بینکنگ سیکٹر ، محکمہ ایکسائز،پراپرٹی ٹیکس ،ایف بی آر اور ماحولیات کے محکموں کی جانب سے بہت سے مسائل بارے اپنے تحفظات سے آگاہ کیا۔مذکورہ محکمہ جات بنا کسی نوٹس کے فیکٹریوں کو بند کرجاتے ہیںجس سے کاروباری نقصان ہوتاہے۔ چائینز سرمایہ کاروں نے یہ بھی بتایا کہ خصوصی طور پر امپورٹ اور ایل سی سے ان کی پیداوار بہت متاثر ہورہی ہے۔چیئرمین فیڈمک میاں محمد انس جان نے چائینز وفد کو یقین دہانی کروائی کہ وہ ان محکموں سے بات کریں گے اور وہ اپنے واجبات کی وصولی کیلئے پہلے سی ای او سے رابطہ کریں گے اور ان کی زیر نگرانی واجبات وصول کئے جائیں گے۔ چیئرمین فیڈمک نے وفد سے گفتگو کرتے ہوئے کہا کہ چیئرمین فیڈمک نے چائینز وفد کو بتایا کہ نگران وزیراعلیٰ پنجاب اور نگران صوبائی وزیر صنعت وتجارت نے خصوصی طور پر ہدایت کی ہے کہ چائینز سرمایہ کاروں کے مسائل سنے جائیں اورانہیں ترجیحی بنیادوں پر حل کیا جائے۔ اس موقع پر چائینز وفدنے پنجاب حکومت کا شکریہ ادا کیا اورفیڈمک اور چائینز سرمایہ کاروں کے درمیان باہمی تعلقات اور میٹنگ کے انعقاد کو خوش آئند قرار دیتے ہوئے کہا کہ فیڈمک کے ون ونڈو آپریشن نے کئی سالوں پرانے مسائل کو حل کیا ہے لیکن ابھی بھی بہت مسائل حل طلب ہیں جن میں فیکٹریوں سے نکلنے والے فالتو مواد اور کرکٹ کو ٹھکانے لگانے کا کوئی معقول انتظام نہیں ہے۔ چیئرمین فیڈمک نے متعلقہ افسران کو ہدایات جاری کیں کہ یہ ماحول کو صاف رکھنے کیلئے انتہائی اہم ہے اس کا ایک مربوط نظام مرتب کیا جائے اور اس مواد کو ریساکلنگ(Recycling) بھی کیا جائے اور اسے بورڈ کی منظوری کیلئے پیش کیا جائے۔ علامہ اقبال انڈسٹریل سٹی میں سوئی گیس موجود ہے اور واجبات کی ادائیگی کے بعد ان کو این او سی فوری طور پر جاری کردیئے جائیں گے۔ انہوں نے کہا کہ بہت جلد وہ فیڈمک میں چائینز فیکٹریوں کا دورہ بھی کرینگے اور ان کے مسائل موقع پر ہی حل کئے جائیں گے۔چیئرمین میاں محمد انس جا ن نے مزید کہا کہ چائینز سرمایہ کاروں کا ملکی تعمیروترقی ،خوشحالی اور معاشی استحکام میں اہم کردار ہے۔حکومت صنعتکاروں کے مسائل کے حل اور انڈسٹری کے فروغ کیلئے ٹھوس اقدامات کررہی ہے۔پاکستان میں غیر ملکی سرمایہ کاری کے وسیع مواقع موجود ہیں۔فیڈمک میں چائینز سرمایہ کاروں کو بہتر سے بہتر سہولیات کی فراہمی ہماری ذمہ داری اور اولین ترجیح ہے۔انہوں نے کہا کہ حکومت چائینز سرمایہ کاروں کو ہرممکن تحفظ اور سیکورٹی فراہم کریگی اور وہ اس سلسلے میں متعلقہ فیڈرل منسٹرانڈسٹری سے مسائل کے حل کیلئے سفارشات پیش کرینگے۔اس موقع پر سی ای او فیڈمک محمد تنویر جبار نے گفتگو کرتے ہوئے کہا کہ مذکورہ انڈسٹریل ایریا میں چائینز سمیت مقامی صنعتکاروں کی سہولت کیلئے سڑکوں کی تعمیر،موثر سیکورٹی انتظامات، بجلی کی فراہمی ،روڈ لائٹس اور سی سی ٹی وی کیمرہ جات کی تنصیب سمیت دیگر سہولیات کی فراہمی ہماری اولین ترجیح ہے۔ پورے زون میں سڑکوں کا جال بچھایا جارہا ہے،بالخصوص چائینز صنعتکاروں کی جان ومال کے تحفظ کیلئے ٹھوس اور موثر اقدامات کئے گئے ہیں۔ انہوں نے کہا کہ علامہ اقبال انڈسٹریل سٹی اور ایم تھری انڈسٹریل سٹی چائنہ، برطانیہ، ترکی اور سعودی عرب سمیت متعدد ملکی وغیر ملکی کمپنیوں کے یونٹ فعال ہوچکے ہیں اور دیگر مسائل کے حل کیلئے فیڈمک کی پوری ٹیم دن رات کوشاں ہے۔ آخر میں چیئرمین فیڈمک نے چائینز وفد کا شکریہ ادا کیا اور بتایا کہ ہر ماہ اس طرح کی میٹنگ کا اہتمام ہوگا تاکہ مسائل کو بہتر طور پر حل کیا جاسکے۔