میٹرو بس میں آتشزدگی، مسافروں نے چلتی بس سے چھلانگیں لگادیں

راولپنڈی (نمائندہ خصوصی) راولپنڈی میں رحمان آباد میٹرو اسٹیشن کے قریب میٹرو بس میں آتشزدگی کے سبب مسافروں نے شیشے توڑ کر چھلانگیں لگادیں، ایک خاتون سمیت 2 افراد شدید زخمی ہوگئے۔ میڈیارپورٹ کے مطابق راولپنڈی سے اسلام آباد جانے والی میٹرو بس کے انجن میں آگ لگی جس سے بس میں دھواں بھر گیا، بس میں موجود مسافروں میں بھگڈر مچ گئی، مسافروں نے چلتی بس کے شیشے توڑ کر چھلانگیں لگائی جس میں خاتون سمیت 2 افراد شدید زخمی ہوئے۔ ترجمان ریسکیو 1122 کے مطابق امدادی ٹیموں نے موقع پر پہنچی کر دونوں زخمیوں کو بے نظیر بھٹو ہسپتال منتقل کردیا، آگ لگنے کے واقع کے بعد میٹرو بس سروس ایک گھنٹے تک معطل رہی۔