پشین (نمائندہ خصوصی) سی ٹی ڈی کی کارروائی میں 4 مبینہ حملہ آور ہلاک ہوگئے۔تفصیلات کے مطابق پشین کے علاقے سرخاب میں سی ٹی ڈی کی کارروائی میں کالعدم تنظیم کے 4مبینہ حملہ آور ہلاک ہوگئے۔ترجمان سی ٹی ڈی کے مطابق ہلاک ملزمان کے ٹھکانے سے اسلحہ وگولہ بارود برآمد ہوا ہے۔دوسری جانب پشاور کے علاقے خزانہ سیوان روڈ پر پولیس نے موٹرسائیکل سوار 3مشکوک افراد کوروکا تاہم وہ فائرنگ کرتے فرار ہوگئے،پیچھا کرنے پر فائرنگ تبادلے میں 2 افراد ہلاک جبکہ ایک کوزخمی حالت میں گرفتار کرلیا گیا۔ملزمان کے قبضے سے 3پستول، 3موبائل فون اور موٹرسائیکل برآمد کی گئی ہے، پولیس نے کہاہے کہ علاقے میں بڑے پیمانے پر سرچ آپریش جاری ہے، ناکہ بندیوں پر چیکنگ مزید سخت کردی گئی ہے۔
