راولپنڈی( نمائندہ خصوصی) پنجاب کے سرکاری اداروں کو سولر سسٹم پر منتقل کرنے کا فیصلہ کیا گیا ہے۔تفصیلات کے مطابق چیئرمین پی این ڈی افتخار سہو کی زیر صدارت اجلاس میںپنجاب کے سرکاری اداروں کی عمارتوں اور تنصیبات کو سولر سسٹم پر منتقل کرنے کا فیصلہ کیا گیا ہے۔راولپنڈی،لاہور، فیصل آباد، گوجرانوالہ اور ملتان کی واسا اور 19دیگر اداروں کی عمارتیں اور تنصیبات سولر سسٹم پر منتقل کی جائیں گی۔ واسا راولپنڈی کے راول فلٹریشن پلانٹ کو 250کے ڈبلیو کے سولر سسٹم پر منتقل کیا جائے گاجس پر 6 کروڑ روپے خرچ ہوں گے،اڈیالہ جیل کو 50کروڑ کی لاگت سے 2میگا واٹ سولر سسٹم پر منتقل کیا جائے گا۔ دریں اثنا پنجاب کے 19اداروں سے سولر سسٹم لگانے کے پراجیکٹس کی تفصیلات طلب کرلی گئی ہیں، سرکاری ادارے سولر سسٹم پر جاکر ماہانہ 60 سے 70فیصد بجلی بل کی بچت کرسکیں گے۔
پنجاب کے سرکاری اداروں کو سولر سسٹم پر منتقل کرنے کا فیصلہ
جواب دیں
ہماری ویب سائٹ پر تازہ ترین خبریں حاصل کریں۔
