اسلام آباد (نمائندہ خصوصی) پی ٹی آئی نے انٹرا پارٹی الیکشن کیس میں جواب جمع کرادیا۔تفصیلات کے مطابق الیکشن کمیشنر میں ممبر نثار درانی کی سربراہی میںنے 4رکنی کمیشن نے پی ٹی آئی انٹرا پارٹی الیکشن کیس کی سماعت کی۔پی ٹی آئی کے چیف الیکشن کمشنر بیرسٹر گوہر الیکشن کمیشن میں پیش ہوئے اور پی ٹی آئی انٹرا پارتی الیکشنز بارے جواب جمع کراتے ہوئے بتایا کہ تفصیلی جواب میں تمام حقائق کو واضح کیا گیا ہے۔ممبر الیکشن کمیشن نثار درانی نے استفسار کیا کہ کیا آپ جواب کی روشنی میں دلائل آج دینا چاہیں گے؟ جس پر بیرسٹر گوہر نے دلائل دینے کے لئے الیکشن کمیشن سے دو ہفتے کا وقت مانگا۔الیکشن کمیشن نے بیرسٹر گوہر کی استدعا منظور کر لی، ممبر نثار درانی نے کہا کہ ہم اس کیس کو زیادہ نہیں لٹکا سکتے۔ الیکشن کمیشن آئندہ عام انتخابات کے لئے زیادہ تر سیاسی جماعتوں کو انتخابی نشان الاٹ کر چکا ہے، دلائل مکمل ہونے کے بعد پی ٹی آئی کو انتخابی نشان الاٹ کرنے بارے فیصلہ کریں گے۔بعد ازاں الیکشن کمیشن نے کیس کی سماعت 13ستمبر تک ملتوی کر دی۔
انٹرا پارٹی الیکشن کیس،پی ٹی آئی نے جواب جمع کرادیا
جواب دیں
ہماری ویب سائٹ پر تازہ ترین خبریں حاصل کریں۔
