سوشل میڈیا پر نفرت انگیز مواد دیکھنے پر ایف آئی اے کو اطلاع کریں، پی ٹی اے

کراچی(نمائندہ خصوصی) پاکستان ٹیلی کمیونیکیشن اتھارٹی(پی ٹی اے) نے کہا ہے کہ سوشل میڈیا پر نفرت انگیز مواد دیکھنے پر ایف آئی اے یا پی ٹی اے کو اطلاع کریں۔پاکستان کے دفاع، سالمیت اور تحفظ کے خلاف سوشل میڈیا پر آن لائن مواد پھیلانا غیرقانونی ہے اور کرائم ایکٹ سولہ کے تحت ریاست مخالف، گستاخانہ، نفرت انگیز مواد کی سزا سات سال قید، جرمانہ یا دونوں ہوسکتے ہیں۔پی ٹی اے کے مطابق نفرت انگیز مواد سے مراد کسی نسل، مذہب یا فرقہ واریت کی بنیاد پر کسی طبقے یا شخص کیخلاف پوسٹ لگانا، کمنٹ کرنا یا شیئر کرنا ہے، اس سے نہ صرف کسی کی دل آزاری ہوتی ہے بلکہ مذہبی منافرت میں بھی اضافہ ہوسکتا ہے۔پاکستان کے دفاع، سالمیت اور تحفظ کے خلاف آن لائن مواد پھیلانا غیرقانونی ہے اور کرائم ایکٹ سولہ کے تحت ریاست مخالف، گستاخانہ، نفرت انگیز مواد کی سزا سات سال قید، جرمانہ یا دونوں ہوسکتے ہیں۔عظمت اسلام یا کسی بھی فرقے یا مذہب کے خلاف سوشل میڈیا پر آن لائن مواد پھیلانا سنگین جرم ہے اور تعزیرات پاکستان کے تحت اس کی سزا سزائے موت، عمرقید اور جرمانہ ہے۔سوشل میڈیا پر نسل، مذہب یافرقہ واریت پر کسی طبقے یا شخص کیخلاف آن لائن مواد پھیلانا جرم ہے، سوشل میڈیا پر نفرت انگیز مواد دیکھنے کی صورت میں ایف آئی اے یا پی ٹی اے کو اطلاع کریں۔