سلمان خان نے ’تیرے نام‘ کا اسٹائل ایک بار پھر اپنا لیا نیا انداز سوشل میڈیا پر وائرل

ممبئی ( شوبز ڈیسک)بالی ووڈ کے سُپر اسٹار ، بھائی جان سلمان خان نے اپنی فلم ’تیرے نام‘ کا اسٹائل ایک بار پھر اپنا لیا۔بھارتی میڈیا رپورٹس کے مطابق سلمان خان حال ہی میں ممبئی کے ایک ریستوران کے باہر اپنے نئے انداز میں نظر آئے، اس موقع پر انہوں نے سیاہ رنگ کی ٹی شرٹ پہنی ہوئی تھی۔بھارتی اداکار سلمان خان نے اپنی فلم ’تیرے نام‘ کا اسٹائل ایک بار پھر اپنا لیا ہے یعنی انہوں نے اپنا سر منڈوا لیا ہے۔ سلمان خان کو اس انداز میں دیکھ کر ان کے مداحوں میں جوش کی لہر دوڑ اُٹھی۔سلمان خان کی تصاویر جلد ہی سوشل میڈیا پر وائرل ہوگئیں، ان وائرل تصاویر کے کمنٹس میں تبصرہ کرتے ہوئے صارفین کا کہنا ہے کہ سلمان خان اپنے کلاسک انداز میں واپس آگئے ہیں۔ ایک صارف نے ’تیرے نام‘ سیکویل کا امکان ظاہر کرتے ہوئے لکھا کہ ’تیرے نام 2 لوڈ ہو رہی ہے‘۔تاہم بھارتی میڈیا رپورٹس کے مطابق سلمان خان فی الحال ابھی اپنی نئی فلم ’ٹائیگر 3‘ پر کام کر رہے ہیں۔