نوابشاہ ٹرین حادثہ ،پاک فوج اور رینجرز کی جائے حادثہ پر فوری امدادی سرگرمیاں شروع

نوبشاہ (نمائندہ خصوصی) نواب شاہ میں ہزارہ ایکسپریس کی بوگیاں ریل ٹریک سے اتر گئیں ،پاک فوج اور رینجرز نے جائے حادثہ پر فوری امدادی سرگرمیاں شروع کر دیں۔آرمی چیف کی طرف سے امدادی سرگرمیوں کیلئے پاک فوج اور رینجرز کو خصوصی ہدایات جاری کی گئیں جس کے باعث جائے حادثہ پر پاک فوج اور رینجرز کے امدادی دستے پہنچے ،مزید دستوں کو حیدرآباد اور سکرنڈ سے طلب کیا گیا۔اس کے علاوہ آرمی ایوی ایشن کے ہیلی کاپٹر بھی ریسکیو کےلئے روانہ ہوئے تاکہ ریسکیو ہیلی کوپٹرز سے جلد از جلد زخمیوں کی قیمتی جانوں کو بچایا جا سکے۔پاک فوج اور رینجرز کے حکام جائے حادثہ پر اشیا ِ خوردونوش بھی لےکر پہنچے۔