لاہور اور کراچی کے مختلف مقامات پر بارش سے موسم خوشگوار

لاہور/کراچی(نمائندہ خصوصی)لاہور اور کراچی میں تیز ہواﺅں کے ساتھ بارش سے موسم خوشگوار ہوگیا۔لاہور کے مختلف علاقوں گڑھی شاہو، مال روڈ، ہال روڈ، لکشمی چوک، ایئرپورٹ، برکی روڈ، چونگی امرسدھو، کوٹ لکھپت میں تیز ہواں کے ساتھ بارش ہوئی جس کے بعد شہر میں گرمی کا زور ٹوٹ گیا ۔محکمہ موسمیات کا کہنا ہے کہ شہر میں ہوا کی رفتار 11کلو میٹر فی گھنٹہ ہے، 7اگست تک وقفے وقفے سے بارشوں کا امکان ہے۔ادھر کراچی میں بھی بادل برس پڑے، ناظم آباد، نارتھ کراچی، یونیورسٹی روڈ، سرجانی ٹان میں ہلکی بارش کے بعد موسم خوشگوار ہوگیا ۔ محکمہ موسمیات کے مطابق کراچی میں آئندہ 3 روز میں بوندا باندی اور ہلکی بارش کا امکان ہے۔