کشمور(بیورو رپورٹ) گیھلوپور کچے میں پولیس نے آپریشن تیز کر دیا، پولیس اور ڈاکوﺅں میں جدید اسلحہ سے فائرنگ کا تبادلہ ہوا، جس سے علاقہ میدان جنگ بن گیا۔ایس ایس پی کشمور کے مطابق علاقے میں آپریشن شر اور کوش سمیت دیگر جرائم پیشہ افراد کیخلاف کیا جا رہا ہے۔ آپریشن میں اے پی سی چین بکتر بند گاڑیاں اور جدید مشینری کا استعمال کیا جا رہا ہے جبکہ پولیس کے اسپیشل فورس سمیت 200 سے زائد اہلکار حصہ لے رہے ہیں۔ایس ایس پی کشمور کے مطابق پولیس نے ڈاکوﺅں کے متعدد ٹھکانوں کو مسمار کر کے آگ لگا دی ہے جبکہ پولیس کی جانب سے کچے کے داخلی اور خارجی راستوں پر ناکہ بندی کر دی گئی ہے۔آپریشن کے دوران شہر اور گرد نواح میں تمام موبائل نیٹ ورک سروس کو بھی بند کردیا گیا ہے ۔ 
کچے میں آپریشن تیز ، پولیس اور ڈاکوﺅں کے درمیان فائرنگ کا تبادلہ
آپریشن میں پولیس کے اسپیشل فورس سمیت 200 سے زائد اہلکار حصہ لے رہے ہیں
