دریائے راوی میں پانی کے بہاومیں اضافہ، نچلے درجے کا سیلاب

چیچہ وطنی (بیورو رپورٹ)دریائے راوی میں چیچہ وطنی کے مقام پر پانی کے بہاومیں 1380 کیوسک اضافے کے باعث نچلے درجے کا سیلاب ہے۔ضلعی انتظامیہ کے مطابق پانی کا بہاو40650 کیوسک سے بڑھ کر 42030 کیوسک ریکارڈ کیا گیا ۔ترجمان کے مطابق پرانی چیچہ وطنی اور ملحقہ علاقوں میں حفاظتی انتظامات مکمل کر لیے گئے ہیں۔دوسری جانب جلالہ کے داخلی مقام پر دریائے اوج میں پانی کا بہاو 25 ہزار کیوسک ریکارڈ کیا گیا ۔محکمہ آبپاشی کے مطابق دریائے راوی کے داخلی مقام کوٹ نیناں پر پانی کا بہاو¿ 39 ہزار کیوسک ہے جبکہ نارووال میں جسٹر کے مقام پر پانی کا بہاو 40 ہزار 400 کیوسک ریکارڈ کیا گیا ۔علاوہ ازیں محکمہ آبپاشی کے مطابق نالہ بئیں میں بھی طغیانی ہے اور پانی کا بہاو 871 کیوسک ریکارڈ کیا گیا ہے۔دوسری جانب فلڈ کنٹرول روم کے مطابق دریائے سندھ میں کوٹ مٹھن کے مقام سے 4 لاکھ 7 ہزار کیوسک کا ریلہ گزر رہا ہے۔فلڈ کنٹرول روم کے مطابق راجن پور میں اوزمان سڑک پر سیلاب سے شگاف پڑ گیا جس کے باعث اوزمان اور ٹاور چوک کے درمیان زمینی رابطہ منقطع ہو گیا۔