کراچی کے نالوں سے دوبارہ بوری بند مٹی ملنا شروع ہوگئی ہیں، مرتضیٰ وہاب

کراچی( نمائندہ خصوصی)
میئر کراچی مرتضی وہاب نے انکشاف کیا ہے کہ کراچی کے نالوں سے دوبارہ بوری بند مٹی ملنا شروع ہوگئی ہیں، بارش کے بعد کئی مقامات پر نالوں سے بوریاں ملی ہیں۔میئر کراچی مرتضی وہاب نے میڈیا گفتگو میں انکشاف کیا ہے کہ شہرِ قائد کے نالوں سے پھر سے بوری بند مٹی ملنا شروع ہوگئی ہے، گزشتہ روز ہونے والی برسات کے بعد کئی مقامات پر نالوں سے بوریاں ملی ہیں۔میئر کراچی نے نالوں کو چوک کرنے والوں کو مخاطب کرتے ہوئے کہا کہ کیوں کراچی والوں کو پریشان کرتے ہو،بوریاں ڈال کر نالوں کو بند کرنا درست عمل نہیں ہے،انہوں نے کہاکہ یہ گھٹیا قسم کی سیاست ہے جس سے شہریوں کو تکلیف پہنچے اس کام کو بند کرنا چاہیے۔