اسلام آباد (نمائندہ خصوصی ) وزیراعظم شہباز شریف اور بل گیٹس کے درمیان ٹیلیفونک رابطہ ہوا ہے، شہباز شریف اور بل گیٹس نے صحت عامہ اور سیکٹر پروگرامز سے متعلق بات چیت کی۔ وزیراعظم نے بل اینڈ ملینڈا گیٹس فاو¿نڈیشن کی پاکستان میں خدمات کو سراہا۔دونوں رہنماﺅں کے درمیان غذائیت کی کمی،اسٹنٹڈ گروتھ کی لازمی خدمات کی فراہمی پر گفتگو کی گئی۔ جبکہ مائیکرو پے منٹ گیٹ وے راست اور قومی بچت پروگرام کو ڈیجیٹل کرنے سے متعلق بھی بات چیت کی گئی۔ وزیراعظم اور بل گیٹس نے تعاون اور اشتراک عمل جاری رکھنے پر اتفاق کیا۔ شہباز شریف نے کہا کہ پولیو جیسی مہلک بیماریوں کا خاتمہ اور غذائیت کی کمی پر قابو پانا حکومت کی ترجیح ہے۔فاو¿نڈیشن کے ساتھ مل کر جاری تعاون کو مزید بہتر اور نتیجہ خیز بنانا چاہتے ہیں۔ وزیراعظم کا کہنا تھا کہ وسائل میں شمولیت کیلئے موجودہ حکومت خصوصی توجہ دے رہی ہے۔ بل گیٹس نے پولیو کے خاتمے کیلئے پاکستان کی کوششوں کو سراہتے ہوئے کہا کہ پولیو سے بچوں کو معذورہونے سے بچانے کیلئے پاکستان کی بھرپور مدد جاری رکھیں گے۔
