کراچی(نمائندہ خصوصی) گورنر سندھ کامران خان ٹیسوری سے متحدہ قومی موومنٹ کے اراکین سندھ اسمبلی علی خورشیدی اور رعنا انصاری نے علیحدہ علیحدہ گورنر ہاﺅس میں ملاقات کی۔ ملاقات میں اسمبلی میں قانون سازی، شہر قائد میں انفرا اسٹرکچر کی بہتری اور باہمی دلچسپی کے دیگر امور پر تبادلہ خیال کیا گیا۔ گورنر سندھ نے کہا کہ اراکین اسمبلی عوامی مسائل کے حل میں نمایاں کردار ادا کرسکتے ہیں، کامران خان ٹیسوری نے کہا کہ عوام سے قریبی رابطہ کے ذریعہ مسائل کی نشاندہی میں مدد ملتی ہے۔ علی خورشیدی نے کہا کہ گورنر ہاﺅس کو عوام کے لئے کھولنے، امید کی گھنٹی لگانے کے اقدامات کو عوام میں بہت پزیرائی ملی ہے۔ رعنا انصاری نے کہا کہ عوامی مسائل کے حل کے لئے گورنر سندھ کے اقدامات لائق تحسین ہیں۔
